Blog Design Kaise Kare

Blog create karte hi sabse jaruri hai, Blog Design

Because –

1.High Competition– Ab Hindi blogging me competition kafi badh chukka hai. Jiske karan ab minutes me hundred post publish hote hai.

Aise me visitors ko attract karane ke liye content hi enough nahi hai. Balki stunning blog design ki jarurat hai.

2.First Thing– English me kahawat hai “Well begun is half done.” aur Blog ko open karte hi visitors sabse pahle kya dekhate hai ?

Blog Design!

Yani blog design achcha hai to sabkuch achcha hone vala hai.

3.First Impression – Aapka koi favorite actor ya actress hoga.

Right!

Aap unse first impressed kaise hue honge ?

Unke beautiful/ handsome face, stylish cloth etc, jise aap bhulaye nahi bhul sakte hai. Ise First Impression kahte hai.

Isi tarah attractive blog design bhi work karta hai. Vo visitor ke minds se hote hue heart me bas jata hai. Bilkul boyfriend/ girlfriend ki tarah.

4.High Bounce Rate– Kya aap high bounce rate se suffered hai?

Poor content aur slow blog speed ke bad blog design hi jo bounce rate ko increase karta hai.

Well, aapne jan liya hoga, Blog Designing kyu hai jaruri ?

Ab janate hai,

Blog Design Kaise Kare

Site Wide Design

1.Premium Theme – Free nahi premium theme use kare, jo free theme ke compare adhik SEO & Speed optimized aur stunning designed hoti hai.

Jo user experience ke liye best suitable hote hai. Iske alava Premium Theme ki coding secure and trusted hoti hai, jisse aapka blog 60% hack proof ho jata hai.

2.Theme Color – Kya aapne kabhi socha hai, Facebook ka default color blue ya twitter ka color sky-blue kyu hai?

Actually color ke dvara ye website user ko apni emotion show karana chahte hai.

Jaise Facebook blue color se trust show karta hai. Ise color psychology kahte hai.  Jise aap bhi behatar result ke liye use kar sakte hai.

3.Logo – Logo professionalism ko show karta hai, jo blog ko ek brand blog ki identity deta hai. Isliye blog par HD logo lagaye, jise aap blog ke social pages par bhi same update kar den.

4.Navigation Bar – Navigation bar yani menu bar Premium theme me do tarah ke navigation bars hote hai, jo mobile-responsive hote hai.

1.Primary Navigation

2.Secondary Navigation

Ye navigation bars sticky bhi hote hai. Inme important links add kare. Jisse user quickly important content ko access kar sake.

5.Pagination – Ek page se dusre page par jane ke liye pagination use kiya jata hai, jo blog ke old post read karane ke liye suitable path banata hai.

6.Sidebar– Kisi bhi theme ki do sidebars, left sidebar aur right sidebar hote hai.

Most of bloggers important widget aur ad show karane ke liye right sidebar use karte hai. But ad per high CTR click pane ke hisab se left sidebar behatar mana jata hai.

7.Fevicon – Logo ki tarah Fevicon bhi work karta hai, jo unique identity provide karta hai.

Blog par 64×64 ya 128×128 pixel ka fevicon lagaye.

Mainly Fevicon Browser Tab, History, Bookmark List me show hota hai.

Sidebar Design  

1.Social Follow Buttons – Social signals Google ka important ranking factor hai. Isliye Blog par attractive social follow buttons lagaye, jisse maximum readers social followers ban sake.

2.Search Bar – Search bar se quickly kisi bhi post ko search kiya ja sakta hai, jo trouble shooting blog ke liye must hai.

Iske alava search bar se mile data se aap jan sakenge ki aapke readers aapke blog par kya search kar rahe hai. Isse aapko apne audience ko easily understand kar sakenge.

3.Subscription– Blog create karane ke pahle din se readers ko subscription offer karana chahiye. Jisse frequent readers regular readers ban sake. Subscription service ke liye Feedburner ya  Mailchimp ko use kar sakte hai.

• FeedBurner Ko Blog Per Kaise Lagaye?

4.Popular Post widget – Popular chije hamesha achcha impression dalati hai. Yehi work popular post widget karta hai, jo popular post show kar readers ko read karane ke liye attract karta hai.

5.Latest Post Widget – Latest post widget regular readers ke liye best work karta hai, jo freshness feel karata hai. Jisse new post par views increase hote hai.

6.Category – Category wise information pane ke liye category widget useful hai. jo user experience ke liye essential hai.

Post Design

1.Font Size – Font size optimum rakhe, jo jyada small na ho aur na hi jyada big ho. Most of blogger font size 16 pixel rakhte hai.

Warning-Yadi aapke blog ka font size optimum nahi hai to use post editor dashboard se font size set na kare, jise inline CSS kaha jata hai, jo SEO friendly nahi hai. Theme ke style sheet me font-size change kare.

2.Font Family–  Font family readership par bahut impact dalata hai. Isliye aise font-family use kare, jise comfortably read kiya ja sake. Open Sans aur sans-serif font most comfortable font family hai.

Aap chahe to heading aur post ke different font family use kar sakte hai.

3.Meta Data- Aise data, jo information provide karte hai, use Meta data kahte hai.

Blog me post published date, post modified date, author, comment meta data hote hai.

Ise post ke shuruat me show kare, jo readers aur search engines ko post related important info deta hai.

4.Image – Ek Image hounded words ke equal hote hai, jo text ke compare enjoyable aur easy understandable hote hai. But post me image HD quality vala lagana hoga, tabhi benefits milega.

Tip-HD image ko offline aur online dono method se optimize kare, blog speed par bad impact nahi padega

• Post Ke Liye HD Image Kaise Create Kare
• 16 Tariko Se Blog Ki Speed Badhaye

5.Feature Image – Feature image keval blog ke homepage par hi show nahi hota hai, balki jab post ko social sites par share kiya jata hai to feature image hi post ke sath share hoti hai. Isliye Feature Image HD quality ke sath big size ki lagaye, jo sabhi social sites ke wall par fit ho jaye.

6.Author Box– Author box se na keval post author ka introduction hota hai, balki reader ka belief create karta hai. Jo kisi bhi reader ko regular reader banane ka important factor hai.

Isliyep post ke ant me ya sidebar me Author Box add kare. Jisme apni smart looking picture lagaye aur apni short impressive author bio likhe.

7.Subscription Box – Post ke bad subscription box place karane se satisfied readers ko subscribers me fast convert kar sakte hai.

8.Comment Box – Comment box blog ka important part hai, jo user ke sath search engines par bhi impact dalata hai. Isliye blog me comment box show karna must hai.

9.Social Share Button –Kisi bhi blog ke liye social share button essential hai. Jo social traffic drive karane ke liye blog aur social sites ke bich bridge ki tarah work karta hai.

Blog me do tarah ke social share button laga sakte hai-

1.Post social share button

2.Sideber social share button

• Social Marketing Kya Hai? Isse Kaise Traffic Paye [Best 12 Methods]

Footer Design

Footer me About me, Contact me, Privacy Policy, Term of service, Disclaimer jaise page ke link aur copyright text add kare.

Koi bhi design permanent fashionable nahi hota, jo ek time ke bad outdated ho jati hai. Isliye blog design regular update karana jaruri hai. Jiske bare me ham yahan update karte rahenge.

Thanks to read this post.

Iske alava aap blog design kaise karte hai? comment box me jarur bataye.

Yadi aap is post ko helpful pate hai to social sites par share karen.